takEASY

Tilu lalaki anu maot, terus asup Surga. Di Surga aya aturan, Hade atawa Gorengna kalukan di dunya, nangtukeun jenis kandaraan anu dipake salila di Surga.

Lalaki kahiji (L1) ditanya ku malaikat (M) :

M : “Sabaraha taun Maneh kawin?”

L1 : “20 taun !!”

M : “Sabaraha kali Maneh Salingkuh ?”

L1 : “Li..li..lima kali Juragan malaikat” jawabna bari sieun.

M : “Heug maneh asup, tah Mobil Maneh mah KIJANG”. Bius si L1 ngabeng beos.

Lalaki kadua (L2) Asup, ditanya ku malaikat :

M : “Sabaraha taun Maneh kawin?”

L2 : “30 taun !!”

M : “Sabaraha kali Maneh Salingkuh ?”

L2 : “Du..du.. dua kali Juragan malaikat” jawabna bari sieun.

M : “Manehmah leuh hade tibatan L1, Heug maneh asup, tah Mobil Maneh BMW”.

Bius si L2 ngabeng beos. Lalaki katilu (L3) Asup, ditanya anu sarua ku malaikat:

M : “Sabaraha taun Maneh kawin?”

L3 : “50 taun !!”

M : “Sabaraha kali Maneh Salingkuh ?”

L3 : “Teu pernah !!!!” jawabna Lantang .

M : “Hade euy, kakara Maneh wungkul anu teu pernah Salingkuh, Heug maneh asup, tah Mobil Maneh mah FERARY”… Biur si L3 ngabiur…

Sawatara lila ti harita, L1 jeung L2 keur babalapan di Surga, ketepo ku Maranehna L3 keur Diuk siso Jalan, bari panona rambisak ku cimata.

L1 : “Kunaon meneh kalahka Ceurik ???”

L2 : “Kurang puas? sakitu geus dibere FERARY !!!”

L3 : “Lain teu puas . kuring nalangsa. tadi ningali Pamajikan mawa BECA”

Bari hing deui ceurik beuki tarik…

Pertarosan: Kunaon manehna Ceurik ???? Cag ah.

Diambil dari milis urangsundaatyahoogroups.com, penulis: Mamat Rachmat Mantan Jajaka Kapaksa